 |
| 由左至右---＞ 1.酒店餐廳外觀 ; 2.無人既健身室 ; 3.my room ; 4.resort內環境 ; 5.lobby |
出發前當然要食個早餐啦!
不過Dhevan Dara Resort & Spa既早餐的確係麻麻地，
晨早食飯、串燒果D實在太誇張了， 而且選擇實在係唔多！
如果要講E間Resort 既優點，只可讚間房夠正同舒服囉(優/缺點就係總結先講啦!)
食飽飽後，返去玩下貓、游下水、曬下太陽就搭shuttle bus去clock tower啦！
今日既行程係去 Santorini Park！但路痴既我竟然搵錯資料，誤打誤撞行左去Market Village＝口＝"
不過都好，可以順便去買埋酒莊入場卷麻，但係係clock tower 行去Market Village都要成個鐘嫁!!!
Market Village入面好大，一入去就見到好多攤檔仔，如果係喜愛白色長裙既女士就岩晒啦！不過行到好累既Rex 二話不說就上左去美食區， 日式、鐵板燒、火鍋等選擇真係唔少！而最後我地選左半自助式既Sizzler。一睇menu，哇！都幾貴下！冇記錯既話都成六百幾銖一個餐嫁!開頭我有少少肉痛，但當送到上枱時覺得一切都值得了！除左扒大又好味外，Ｄ配菜都好正！而出面個自助Bar 選擇亦好多 - 蔬果有8款以上、意粉、仲有3種湯(冬陰公好辣!!)、但甜品唔好食><" 、而飲品係無限添飲既! 其實對大胃王黎講都幾抵食、值得一試!
休息過後都成下午約4點了~
我地就係商場外搵車啦~最後以約2千銖既高價搭"督督"向Santorini Park 出發啦（包來回）~鬼叫自己之前搵錯資料咩! 原來Santorini Park係同Maeklong Railway Market差唔多咁遠!!我地都坐左成個幾鐘頭車出返華欣外面先到! 好彩個傻佬都冇炸我型~嘿嘿!!
由於出發前司機同我地講左去到會冇車返，所以佢就係停車場到呆等左我地成個鐘啦！
因為今日係星期６，所以要買入場卷(50銖/人) ~ 平日係FREE的。
唔講咁多啦~去相 :
為左保持大家既新鮮感，以上都只係我地一小部份既相！
去到會有更多驚喜！( 記得去晒佢地既toilet啊!! )
而除左影相E D靜態活動，其實入面仲有好幾樣比過山車更恐怖既遊戲！
（直頭好似空中飛人咁=口=") 有興趣既可以 " 按 " 黎睇!!!
玩完都天黑了，又要返上車繼續我既自"括"之旅...
都係果句啦，各位長、中髮女士如果唔想好似我咁自"括"~就要記得扎起d頭髮佢啦!!
否則都真係幾痛下 T﹏T"
又過左成個幾鐘，終於返到去clock tower啦！
一落車我地就去左SWENSEN'S 續我地既夢幻之旅啦!!!
去開泰國既朋友對E間雪糕店就一定唔陌生啦~
上年雖然我地都有食過，但都只係叫左個中形既！今次我地要豁出去，叫左個最大既！
話晒去旅行麻~當然要盡D啦!而且咁大盆，係香港不但少見，即使有都貴到唔想食啦！
我地其實真係食訓２人組！享受完大大大雪糕後，
我地又走左去一間好多香港人都去既餐廳 - Lung Ja Seafood restaurant 。
由於好飽，所以只係叫左生蝦同咖哩炒蟹，味道就覺得一般啦！
不過Ｄ店員就好得意，係咁同我地講Ｄ唔咸唔淡既廣東話！哈哈哈
最後，Ｒex就送左全市集最有特色既禮物比我 - Rex ♥ Fan 鎖匙扣
真係好鍾意、感覺好幸福!!嘿嘿
下回介紹：Evason And The 6 Senses Hideaway Resort + Hua Hin Hill Vineyard
～＊ 華欣7日遊@2013 ＊～
＊ 華欣前言 ＊ DAY 1 : Maeklong Railway Market
-------HERE
沒有留言:
張貼留言