E篇就真係夠晒長囉，淨係執相都執左２日！
點解咁長咁多長？
因為 Evason係３間 Resort 入面我最愛既一間!!
佢雖然係最平(約$800/晚)、最細，但係係早餐最正、張床最軟最舒適......
對我黎講簡直係人間天堂~ 嘿嘿~入正題啦^^
係 Dhevan Dara Resort & Spa check out 後，
我地又好白痴咁叫左酒店車過去Evason啦！又要比成２千銖！
都係果句啦~call 車好過~起碼平五百先!
上車後坐左1個鐘多d後，
就到左Evason And The 6 Senses Hideaway Resort 啦!!
佢係好出名既6 Senses其下既Resort，所以所有野都好有質數！
由於 Evason 係以天然為主題，所以所有野都好純樸!
我地要先係佢個停車場到等佢resort入面既環保車，再入去大堂check in!
期待既welcome drink 同冰冰毛巾馬上送到!!真係透心涼啊!!
不過check in完就未有得入房，
所以就去左佢個bar度嘆返杯野同埋食個晏!
e度真係好舒服好正! d大sofa 比你一字形訓係度都冇人會理你，
係度聽聽歌、吹吹風，我地坐到入得房都唔願郁啊!!
嘿嘿~
入房囉~^^
一開門真係嘩一聲!
雖然唔大唔奢華、但就有種簡單、放鬆既感覺!
由於成間house連花園都由米白色既牆圍住，所以私隱度極高!
即使花園有荷花池同叢林，但除左有蜻蜓外，
都好似唔覺有其他昆蟲(唔似Dhevan 咁有蜘蛛仔)。
e間實在係太正了，所以我用梗有既記憶畫左一張唔岩比例既平面圖比大家參考!
 |
行完成間house，當然馬上換衫玩水曬太陽啦!
Evason 真係勁貼心! 專登將按摩池同泳池分開，所以水力都勁d!嘿嘿!
池邊仲種左d好靚既花，加埋旁邊既荷花池，真係有種完全融入左大自然既感覺!!!
而曬太陽方面，
除左按摩池旁有個亭，入面有張大sofa外，
當然唔少得太陽椅啦！佢張椅既床墊係可以收起既，
咁就唔怕曬到張墊熱辣辣坐唔到啦~
另外不得不提既就係讚佢既"洗白白"心思!!
睇相可見，左同中都係係按摩池內既，而右我就係係浴缸度啦！
浴缸除左得放水水龍頭，仲有花灑比你用！
旁邊仲會放左ｄ香茅浴鹽比你任用！包你成身香噴噴^^
然後再後d既就係淋浴間! 無錯，係比你沖涼用既!!!
e間house入面係無室內既浴室嫁!!
係花草樹木既包圍下享受熱水浴，真係人生幾何呢!!
(淋浴間係有2個花灑嫁! 如果怕係暗暗既環境下沖涼，可以叫埋同房出黎一齊沖，
咁就唔怕要佢呆呆地陪你咁尷尬啦~)
講完house入面，當然要介紹下四周環境啦～
不論你係自拍王定係熱愛景風景既都會岩晒你！
因為除左靚外，仲有畫、精品店比你睇同比你買手信！
而悶悶地又唔想做spa既，特別ｄ去學下煮泰國菜都得！
不過詳情我就唔太清楚囉。。
Evason 入而都好大，鐘意散步既就岩晒啦~
Evason外既環境~冇啦啦有個人身螺身既公仔係度~怪怪的!嘿嘿
其實外面除左可以吹吹海風同睇一間冇人既精品店外，真係冇咩睇!
都有街旁按摩小店既，不過我地就冇試囉!
晚上，其實我地根本唔願出外，
加上聽講Evason 既野係超好食!所以即使e餐真係好貴下(唔記得幾千銖了...)，
但都抵既~因為真係勁勁勁豐富、樣樣都好好好好食!!!
最後去bar 飲多杯野就返去了!!!
*ps: 餐廳同bar唯一唔好既就係爆多蚊!
所以一定要記得貼蚊貼同埋蚊怕水啊!!!
下回介紹：Hua Hin Hill Vineyard + Supatra by the Sea
平身想係e篇講埋既，但實在太長了!!
不過我會盡快post既~因為個酒莊同埋間餐廳真係又靚又正!!嘿嘿
～＊ 華欣7日遊@2013 ＊～
＊ 華欣前言
-------HERE
沒有留言:
張貼留言