Confirm?放假啊!!!!

放假，放假，放假！！！
打工仔最關心既除左出糧外，應該都係放假！
其實我本人工作上都好少要去聯絡客人，點知ｅ排撞正，
一黎就要搵幾廿個客覆稿！
睇實個ｅ-mail 不單止，亦要係咁狂打電話追客覆！
嘩！放假，放假，放假！！！
係我個list度，有４分１都係放左假、３分１係岩岩放完假、仲有少部份係唔覆ｅ-mail唔接電話！？

我都知道有好多港員都仲同我一樣日日做到冇停手，
但一望個list，不禁灰左。
但灰完過後，
我只可同自己講：放心啦！好快到你架啦！不過唔係聽日、唔係後日，係總有一日！一定得既！！！

今日乾一下。。

迎接星期三既晚上，意味著工作週已過左一半！
不論您係宅宅定係乾物，一於一齊乾杯！！！
飲飽食醉放鬆下！抖足精神捱多3日/3日半佢!!!

(PS: 今日試左E隻荷蘭啤，$11.9 / 4罐!!! 唔錯唔錯!!! 港員係應該不怕嘗試，勇往直前的！GO~GO!!!)

不能說的味道。。

炎炎夏日，本應諗住坐巴士可以冇咁迫舒服Ｄ啦！
點知。。。
上左一架又熱又焗既冷氣巴－口－"

起初都覺得算啦，玩下電話好快過左。
但好快到左下一站，意料之外既事就發生啦～
有２位叔叔好快就坐左係我前面，亦不約而同地教冷氣。
前一位，無事；前前那位，嘩！一大陣"難忍味" 好濃烈咁飄左過黎 > <"

而最後，我當然靜悄悄咁轉位啦！（而那位叔叔仲不時好努力咁整個冷氣）

繃緊的週末

週末啦！
本應係睇 "壞蛋2" 既我地因遲左買飛，冇晒靚位，
咁諗住睇套係香港取景既大電影應該都唔錯啦～
點知，都ｏｋ既！由頭打到尾，緊張左成場 ＝ 口 ＝ "
完場後成個人軟晒，好似開完大會咁。

所以，如果你係厭生活太苦悶、返工唔夠刺激既，
不防可以睇下Ｅ套戲！
若未能刺激您，都應該可以閃到你眼花！

2個超級大壞蛋

Happy Friday!!
辛苦左一星期, 係時候又要放返2日假啦~!!!

今日終於去麥記換左Minions啦~(壞蛋Minions同壞蛋Ｒex放埋一齊真係幾搞笑!)
為左慶祝今日係Friday，我冇理卡路里既問題，勁快樂咁食左４件麥雞同一個包（開心餐黎，當然仲有其他啦＞＜）
其實有時要放鬆一下都唔係咁難既，長時間去管制自己有時真係幾辛苦！
不過可放鬆就不可放縱，今餐過後又要食返小ｄ囉～！

上圖係壞蛋Ｒex送我既風景照!
希望大家係六、日都玩得開心d啦!!!

勞碌一生

活在香港，除左人似天生勞碌命外，office既各樣器材亦無可幸免!!

琴日，可憐既printer 因我同同事3人不停地強迫佢努力生產，
起初只以為佢係發發脾氣，點知最後都係搶救無效，宣佈死亡。

勞碌，已經係港員既本份之一。
但如果長時間地努力工作、少少時間都唔肯放鬆，
下場只會同我公司部印刷機一樣。。。

各位，都係比自己好好鬆一下啦～

戰勝了恐懼

話說有一晚，我做野做到半夜累到死。
當然係想馬上去沖涼訓覺啦～
點知。。。
當我沖完準備換衫時，一拎條大毛巾。。
一隻小強竟然跌左落我腳面上！！！
可能當時我已好不清醒，我竟異常冷靜！
心諗 "好細隻姐，應該ＢＢ黎既" ，隨即就開水將佢沖走。
當然我亦有再沖左少少消毒水務求係下面毒死佢，
（我小時候曾係沖涼時見過有小強係去水位爬上黎，那時真係嚇個半死！）
之後就洗腳訓覺。

直到第２日早上，
我先真真正正回想起昨晚既事。
想起佢跌係我腳面上時既感覺、重量、大小。。。
諗諗下，其實那一隻所謂的小強其實一點也不小，
而且可以比一個５元硬幣還要大＞口＜＂
現在想起來其實還有一點點陰影，但當時為何我竟沒有大呼小叫？
唯一的解釋就是
疲累戰勝了一切，眼訓戰勝了恐懼。

經過了那一夜，
往後我就不再把衣服掛在門後了。

放假!? 請先放下你的責任感!

朝７晚１１，我相信都係好多好多港員既生活模式。
一日要做咁多個鐘，其實並唔係我地無用、做野做得慢，
反而係我地e d港員樣樣唔放心、下下自己跟到足而導致。
所以 " 我要放大假、去下旅行充充電" e d說話真係成日都會聽到，
而好多港員亦會掛在口邊，
但講完後真係可以係半年內出發既又有幾多個？
次次唔係"唔得啊!岩岩接左單大嘢走唔開啦。" 就係
 "遲左啦! 某某同事岩岩交左紙請假撞左期。照去!?唔係幾好意思既!" ，
所以香港工作除左工作壓力大，最慘就係無得鬆。

但凡事都總有例外既。
上年既九月左右，我倆有幸去到蘇梅島渡過４日３夜。
點解會咁好彩咁順利可以係８月話去，９月就飛？
其實只因我男友剛好要轉工，所以睇準時機馬上飛而已。

直到現在，經過大半了積壓而來既疲累又開始湧現出來，令去旅行既期望就愈來愈大。
但對於一個返朝７晚１１既人黎講，連基本既休息時間都唔足夠，試問又何來有時間、心情去搜集旅行資料呢？
工作認真、勤奮一直都係我地港員既美德亦係打工仔既本份，
但如果真係頂唔順要出國散下心的話，請先暫時減輕你對工作的責任感，
否則。。。只可睇相懷念下吧！

合體!!!

其實我E一名麻煩港員既正職係一個全日對住電腦既Designer...
而一日２４小時，講真真係除左訓覺之外都係機不離手的：

早上搭車 -  玩電話
上班中     -  電腦做稿
食晏         -  又玩電話
再返工     -  再對住部腦
下班搭車 -  再再再玩電話
回到家     -  上網、畫野、睇facebook

所以此刻我只好承認：「我同電子產品合體了！」

港員的定義

港員 = 香港員工 = 小小打工仔 = 我
定義一

身為港員必學幾招: 講元、講圓、講完

講元 - 香港而家乜都加價、樣樣講＄，身為香港既小小員工當然應該要聽多ｄ、８多ｄ啦！

講圓 - 香港出名工作壓力大，人人做到好火滾。所以講野、處事圓滑ｄ，大家相處和諧ｄ！

講完- 時間就是金錢，所以小員工同上司／老闆報告當然係快講快完啦！以免講多錯多XD

其實以上都係人人皆知既事，但自問易學難精。

定義二

港員，講完活在香港，忙到無嘢好講

其實一開始諗到開e個ＢloG、用e個主題，都係源於我位大忙人男友。
１－５瘋狂ＯＴ工作，六、日放假亦要接有關工作上既電話，遙距工務上既問題。
當然我實在無抱怨既理由，亦知道香港地有好多或比你更忙既人。
所以只好講句"活在香港，忙到無嘢好講。因我係港員，講完！"
但其實兩個人一齊，話不需多，心最重要!!!

大忙人~加油囉 >3<"

&quot;&quot;港員的麻煩事件BloG&quot;&quot; 正式開張!!!

HIHI~
各位好~歡迎黎到 "港員的麻煩事件BloG" ar !!!

先黎個簡單既自我介紹先~
詳細版會遲D再出啦~~XD

大家記得得閒多D黎啦~^u^~