冬日回憶。。

 

小時候常常聽大人們說:「讀書時期是人生最舒適的了，長大後工作是很辛苦的！」

直到現在，我不會否認工作是辛苦的。

但回想兒時上學，亦不算是毫無辛酸吧！！
 

各位大、小朋友，還是好好互相體諒一下吧！ 

Merry Christmas~~

自從Black Friday 過後, 我差不多算係病到宜家。
好彩早前報左CAP CAKE 班既我今日算係精神，順利學完 + 帶埋完成品返黎^^
原來CAP CAKE 真係並不難做, 
但其經驗、技巧真係要有返咁上下先會整得靚囉...
否則只可好似我咁拼命去加D裝飾上去遮羞囉 > 3 < ""

雖然仲有3日先到, 但都先預祝大家 ~ 聖誕快樂 ~  啊!!!
(PS: 那2隻公仔雖然是糖做的, 但我想不會有人想吃吧 - 3 -" )



 過程相:

fan fan graphic design

 

Kong Yuan 係 Fan Fan Grahpic Design 開左新 page 啦~~
大家有時間就去睇下同幫手比個like 啦~!!!
thx^^ 

網址 : http://fanfds.wix.com/fan-fans-design

每天的竸賽

泰國華欣7日遊@2013 - 在華欣的最後一天

泰國華欣7日遊@2013 - AKA GUTI

享用完Evason And The 6 Senses 既豐富早餐後，我就好不捨地要離開6 Senses啦～
無錯，只係我！因為Ｒｅｘ不知幾想快ｄ去AKA享受佢個私人泳池。
又要搭返成個鐘車先到，不過沿途都有Ｄ景點可以係車度望一眼既～

AKA Resort 係分左2間既，一間算係係山腳，而我地Ｅ間就係山腰啦～
而佢地既分別我諗係AKA Resort既house比較大，

有ｄ似Dhevan Dara Resort掛（始終冇去過，不能盡信啊！！）

而我地既AKA GUTI 就較新，
而最大賣點應該係可睇日落同埋有一步就落水既泳池吧！

一上到去，真係好寧靜。除左我地外，好似冇其他客人咁。
人地話GUTI 係好有修道院FEEL，今日終於親身感受到。

(自家煮)不過不失，唔試無損失 - 拉麵屋

誰阻我睡覺!!!!???

令人大滿足的 - 博多拉麵 別天神

其實我係個勁熱愛拉麵的人，即使係平係貴都通通照殺！
可惜仲未有時間去品嚐一下「一蘭」，
但Rex就係同事口中得知道有一間係銅鑼灣唔錯既拉麵啵~!
所以就帶我去啦^^

門面不大、住位不多既「博多拉麵 別天神」聽講平日都要排下隊先有得食嫁！
幸好當日岩岩有位，一去度就可以入去了！！

灣仔回味小吃

今次係同大家介紹灣仔2間小食點，２間都各有風味嫁！
先來第一間。老金煎餅。～
話說煎餅係來自北京既，而詳細既故事大家可以係佢地既單張度了解^^

一來到店前，已傅來陣陣既煎餅香啦～
而鋪面設計都幾可愛，感覺上亦幾整潔！但可惜只能外帶而冇堂食。。

「老金煎餅」既logo 同埋佢地既「煎餅」參考相。

泰國華欣7日遊@2013 - Hua Hin Hill Vineyard + Supatra by the Sea

今篇算係我倆既 "華欣美食之最" 吧!!

因為差不多由頭到尾都係講食、食、食!!!

係食足一日!!!嘿嘿!!!

而一開始當然要講下Evason And The 6 Senses 既豐富早餐啦~!!!
e間餐廳真係好大好多位，但可惜既就係戶外同內都係冇咩風景!
所以真係坐邊都冇咩所謂，近野食就好了^^

泰國華欣7日遊@2013 - Evason And The 6 Senses Hideaway Resort

E篇就真係夠晒長囉，淨係執相都執左２日！
點解咁長咁多長？
因為 Evason係３間 Resort 入面我最愛既一間!!
佢雖然係最平(約$800/晚)、最細，但係係早餐最正、張床最軟最舒適......
對我黎講簡直係人間天堂~ 嘿嘿~入正題啦^^











係 Dhevan Dara Resort & Spa  check out 後，
我地又好白痴咁叫左酒店車過去Evason啦！又要比成２千銖！
都係果句啦~call 車好過~起碼平五百先!

上車後坐左1個鐘多d後，
就到左Evason And The 6 Senses Hideaway Resort 啦!!
佢係好出名既6 Senses其下既Resort，所以所有野都好有質數！
由於 Evason 係以天然為主題，所以所有野都好純樸!
我地要先係佢個停車場到等佢resort入面既環保車，再入去大堂check in!
期待既welcome drink 同冰冰毛巾馬上送到!!真係透心涼啊!!













 





不過check in完就未有得入房，
所以就去左佢個bar度嘆返杯野同埋食個晏!
e度真係好舒服好正!　d大sofa 比你一字形訓係度都冇人會理你，
係度聽聽歌、吹吹風，我地坐到入得房都唔願郁啊!!
嘿嘿~

灣仔"大頭蝦"

平身一至五都食代餐做晏既我，
今日竟然大頭蝦咁唔記得拎返Ｄ返公司！
咁唯有出去食野啦~
快餐、碟頭飯、車仔麵等等都好似好油膩咁...
而且平日食得多都厭啦~

咁不如去食D扮清清地既野啦~
所以我就提議去食撈檬了!!!

今日去食果間個名真係襯晒我~
名副其實係"大頭蝦"。
由於我公司係一點半放飯，
所以就趕到食佢既下午茶了!
一個餐包熱飲都係40蚊有找啦!!
比起午餐真係平成十蚊有多!
(價錢由上至下 : $33 、 $33 、$35)

其實E度都唔係第一次黎食嫁啦!
不過見佢份量、味道都唔差，
而且價錢又幾適中啵，
所以就上黎推介下比大家啦~^^

詳情 :                              

大頭蝦東南亞料理             
King Prawn Asian Cuisine      
灣仔譚臣道117號地舖                 

泰國華欣7日遊@2013 - Santorini Park

由左至右---＞ 1.酒店餐廳外觀 ; 2.無人既健身室 ; 3.my room ; 4.resort內環境 ; 5.lobby

出發前當然要食個早餐啦!
不過Dhevan Dara Resort & Spa既早餐的確係麻麻地，
晨早食飯、串燒果D實在太誇張了， 而且選擇實在係唔多！
如果要講E間Resort 既優點，只可讚間房夠正同舒服囉(優/缺點就係總結先講啦!)

泰國華欣7日遊@2013 - Dhevan Dara Resort & Spa

去完Maeklong Railway Market 再坐多一個鐘車，

就到達第一間酒店Dhevan Dara Resort & Spa啦！

由於華欣既 Resort一般都好大，
所以係check in後都係坐佢地既車仔返房!

但e間Resort d staff就有d cool，
同埋要企係度check in 又冇 welcome drink，
所以一開始既感覺就麻麻。

e間就係我地訓2晚既Resort啦~個私人花園都幾大~
入面有大廳、大廚房(真係for人煮大餐咁)、衣帽間、大浴室、露天大浴缸，
當然唔少得大游池啦！
真係好有屋企feel。但係睇人地d blog 有得點晒蠟燭咁，其實係冇嫁囉><"
不過e度就有d貌似惡貓既小貓咪, 佢地係勁痴人嫁!!!
成日過黎你腳邊喵完你就反轉要你幫佢抓肚皮~

O'sulloc 健康瘦身茶

 朝十晚七咁坐定定返工、假日又懶洋洋唔做運動，講真真係想唔肥都難。
係試食左３日奶昔後(等我試晒d味再報告啦~!)，
我又買左ｅ隻O'sulloc 健康瘦身茶黎試啦！
（個盒都幾靚啵！！）

 

係網上見其實佢有好多種味，所以今就試左蘋果同檸檬先啦！
細細包帶出街都好方便^^
蘋果 果包係汁黎既，沖100ml 水就ok了~
而檸檬就係粉黎既，就可以沖500ml 水!!! 咁就可以迫平時少飲水既我飲多d啦!!!

睇埋佢d資料，
蘋果主要功用係清縮便排毒，改善腸道健康！
 一包就等於 8 個蘋果 / 5 個蕃薯既纖維，岩晒平時成日肚谷谷既我。
而檸檬就可以阻斷油脂既吸收，仲話可以抗氧化＋淨化身體內毒素同修身tim^^

其實係今日先拎返黎既，就快上ｐｏｓｔ上黎啦。
所以實際成效就未知，只知蘋果味都甜甜地、幾好味！
聽日先試埋 檸檬啦^^

肥慢D啦你!!!

其實有左"肥肉" 之後，我每日放工返黎都會望下佢，睇下佢又肥左幾多～
但只係又過左一星期姐，真係高得好鬼快，同以前BB樣唔同晒...
睇黎真係要快D搵屋比你搬先得啦 - -" (大食鬼仲唔知洗唔洗加泥比你TIM)

3DS MAX ><"

話說我E個3D 白痴仲有4個月就要去讀interior design(仲要係跳左一級黎讀= =")，
所以只好自行惡補一下3DS MAX啦...
單單係搵個程式都搵左幾個月，真係冇用。。

最後，係半玩半試下完成左以上Ｅ張圖（都用左２晚嫁！）
我同ＲＥＸ當然係係ＡＩ再KEY上去嫁啦~
經過實戰後，3DS MAX 的確令人好頭暈，不過總算了解多左佢既介面啦！
都唔知要再過多幾耐先可以熟習到＞＜＂
好期待將來可以整到３Ｄ版既Ｒｅｘ同我啊！哈哈哈

明治奶昔~ 努力減減減!!!

繼買左2B瘦腳後，先幾日就訂左 "明治Meiji Protein Diet Mixed Pack Meiji"。
一大盒共30包，有7款味道嫁!
 ( 牛奶咖啡味 、雲呢拿味、牛奶可可味、焦糖味、草莓牛奶味、芒果味、香蕉 )
 食果時只需混入200ml牛奶或低脂牛奶即可進食啦~夠晒方便^^ 

因為我打算要黎代午餐，希望夠飽啦 > < "
 
 

迎冬啦喂~!!!

E幾日真係涼左好多，怕凍既我又係時候要入貨買返Ｄ冬天衫啦 ^^
但身為小小港員人工不高，又想成日唔同衫，犧牲小小質數在所難免。。
所以只係上網格價、格價再格價啦！
最後以HK$600 有找既價錢買晒以上衫+鞋。
 不過其實上網購物始終有一定風險，好彩件衫入面都只有一件不滿，
都算係咁啦~

各位唔知你地又開始睇衫未呢? 
如果有好店舖不防分享下啦~嘿嘿!!

泰國華欣7日遊@2013 - Maeklong Railway Market

係泰國華欣7日遊@2013 (前言) 之後，

我終於終於肯動筆啦~嘿嘿!!!

 ＊  31 Aug  2013    大雨　＊   

係零晨六點，我倆霧住行雷閃電大暴雨下，

係深水埗等的的去機場，途中我兩個當然係訓到成隻豬咁啦~

好彩天公造美，去到機場時竟然停雨啵！

咁我地就平平安安，勁快上機好順利就起飛囉。。

    

我地係搭AirAsia既，e個飛機旅真係好麻麻 > <"

不過由於太趕上機前冇買野食，所以都清晒~~

Rex 生日東莞遊~

因為去完華欣豪洗完，所以今年Ｒｅｘ生日就諗住平dd，

返大陸去間５星酒店ｈｅａ下就算了。至於「御溫泉」，等夏天應該會特價吧！

今次我地就去左「東莞帝豪花園酒店」既２款套票：

１. (早/晚自助餐、 桑拿、飲品卷)

2. ( 早自助餐、$200餐飲卷、60分鐘按腳)

共2千幾蚊3日2夜，仲包食啵 ~ 都ｏｋ既！

快高長大=口="

"肥肉"又出場啦~~
冇錯！我Ｅ個無聊人已將Ｅ盆"多肉植物" 改左名，名叫"肥肉"。
想當日，我係係旺角花墟足足行左半日先選中佢，
再買左個圓形玻璃花盆仔諗住懶靚咁，前後洗左成百蚊！
點知返到去，個花盆竟然唔夠住＝　＝"
最後是但執個食物盒住住先啦你 ~

仲記得買既當時，我問位姐姐佢會唔會大得好快，
個姐姐話一年應該大幾MM左右啦~
點知... 過左半個月都冇，"肥肉"已經亭亭玉立，大過個盆~
我都唔係一個負責任既主人，除左一開始比左ｄ水佢之後可以話冇理過佢。
"肥肉"你果然冇改錯名...

的確，本身我都好想買ｄ彩色雪條棒返黎圍邊整佢靚ｄ既，
可惜佢肥得太快＝　＝"
咁唯一等佢再肥多小小時，再買埋"多肉"、"肉肉"、"肉球"、"豬肉"、"雞肉"......返黎學人地咩"生態環境"咁整得靚靚再算~
"肥肉"~你都係再寂寞多陣啦~嘿嘿

灣仔"大面子"

(價錢由上至下: $26, $26, $22)

係灣仔返工要搵好野食，真係唔易~

如果想又平又好食就更加更加難！

但凡事都會有例外既，就係琴日同同事食飽飽後，

竟然發現到一間裝修幾特別既店 - 大面子車仔麵專門店，

而最吸引既就係門口大大隻字寫住「$26，7餸」！

咁抵，今日當然去試下啦~

以上就係我同2位同事食既麵啦~個碗仲好得意tim^^

我就係食麻辣魚蛋三丸麵啦~ 真係幾辣下啵~

睇落去好似好紅咁，但感覺上又不太油。

D丸亦真係比其他車仔麵彈牙喎!!

而最估唔到就係佢話既「無添加味精上湯」原來都幾堅！

食完後亦都冇話口渴既感覺。

但美中不足既就係個麵底係幾小下(一般女仔食應該岩岩夠飽，男仔就...)，

不過都可以另外加＄加麵底既。

整體黎講，

ｅ間係一間可以常黎既餐廳，

D麵不但夠平夠快上，仲有幾多餸同麵款比你選！

PS: 竟然有拉麵同稻庭烏冬~ 下次試試先!!!

 

HaPpY 生日月>﹏< ~ ~

十月啦~十月啦~!!!
又係REX生日月啦~
已準備好今個星期六上大陸慶祝～
今次我地係去東莞 "帝豪花園洒店" 3日2夜大食遊~
間酒店D相都幾靚嫁~ 仲有自助餐食TIM~嘿嘿!!!
返黎再同各位匯報啦 > 3 < "

rex: 你搞掂左你華欣果d先啦 = ="

多肉植物

行左成日，係你啦！！！
我的第一盆*多肉植物*

天兔殺到!!!

 

8號仔啦~~ 

天兔聽聞係 "怪獸颱風" ，殺傷力強！！

大家冇野做既都係快Ｄ回家好了~小心D唷!!!

泰國華欣7日遊@2013 (前言)

今年, 我地共去左華欣7日~住左3間酒店。
早機去、午機返。雖然由曼谷去華欣都成３個車程，
不過個人認為都係一個值得去既地方！

日期: 31 Aug - 6 Sep 2012

行程:

Day1 : 到達曼谷 * 去火車市集 * Dhevan Dara Resort & Spa+食晏 * 行夜市 * 做左一個鐘spa * 回去食宵夜
Day2 : 酒店早餐 * 返房玩水同玩貓 * 行Market Village + 食Sizzle * 搭"督督"去Santorini Park * 
食Swensen勁大雪糕 * Lung Ja 小小晚餐 * 夜市 * 返去
Day3 : 酒店早餐 * 轉酒店(SIX SENSES) * 係酒店午餐 + hea * 返房玩水曬太陽 * 行海邊 * 
酒店勁豐富晚餐 * 酒店bar hea
Day4 : 酒店早餐 * 到酒莊午餐 * Floating Market * Supatra by the Sea 晚餐 * 返酒店 
Day5 : 酒店早餐 * 轉酒店(AKA GUTI) * 係酒店午餐 + hea * 到無敵大泳池睇日落 * 酒店晚餐
Day6 : 酒店早餐 * 到市中心 * 食time out * 到World News Coffee食大份三文治 * 
嘆2個鐘頭spa * Chao Lay Seafood 食海鮮大餐 * 回去享受係華欣最後既一晚
Day7 : 酒店早餐 * 搭返3個鐘車返曼谷 * 上機

注意事項 :

新朋友。新地方

勁過多日搵新blog址既日子、2日努力安頓新bolg既資料，
到而家，可算係完成新ＢloG 既搬遷!!

係舊地"yahoo"留左新地址，唔知舊ＢloG 可會黎探我呢?
而新地方又會否識到新朋友!? 
只可期待吧^^"

(PS: 去完泰國，我倆勁曬其實都冇點黑到，唯有要公仔黑ＤＤ吧！嘿嘿）

我。回來了!!!

話咁快去完泰國返黎都有2星期了~

我e個懶人染上左惰性病毒，日日都唔願意郁＞＜＂

不過，今日終於努力地搬左ＢloG，而家仲係學習緊點用～

好彩網上有好多位Blog 友都好詳細講解, 

等我e個電腦盲唔洗搞勁耐就ok左啦~嘿嘿!!!thx^^

希望黎到新地方可以新到新朋友啦~

而華欣之旅我亦會盡力早D搞埋佢!!

而最後，當然要補返一句中秋節快樂啊各位～

2日1夜* Rex生日泉眼溫泉夜~~~

無錯無錯,
我又係post返2012既野!! 哈哈~~~

2012既10月, 係個傻佬既生日月!!!
第一年同佢過生日啵!!!當然要過得好d啦!!!(的確係我自己想去多d~嘿嘿)
本身係想去御溫泉既, 但咁岩佢既vip房要裝修, 咁就只好留返今年去啦!!!

最後,
又要方便又想快到既關係, 我選左係中山既泉眼温泉!!

9點左右, 就係尖咀上船啦~~~
船程好似都係個半鐘左右~再搭跟船飛既旅遊巴去三鄉。。

勁快就到>w<" 當然係啦啦林去搵野食啦!
之前做過資料搜集, 得知中山既菠蘿包入面真係有菠蘿,
所以就走左去飲茶!!!!
其實佢d特色點心其實好味過hk...個樣仲幾靚tim!!!
我地食左8個點心都係人仔"98"蚊~~~!!!
而最鍾意既當然就係奶黃菠蘿包啦~入面真係有一舊仔菠蘿嫁~哈哈!!!好味~^^

09.2012* 蘇梅豪hea之旅 (下)

Day3早上又收到通知因為天氣唔太好, 所以又冇得參加 local tour,所以我倆就慢慢去嘆完個豐富早餐後, 就搭的的去查汶啦~

冇咪錶既的的~~~

 

其實查汶 e邊感覺上好似繁榮d, 但又覺得好似冇咩好睇咁,
我地都係去左m記飲左杯野, 四圍行下, 搵個地方食完野就走左囉~