Rex 生日東莞遊~

因為去完華欣豪洗完，所以今年Ｒｅｘ生日就諗住平dd，

返大陸去間５星酒店ｈｅａ下就算了。至於「御溫泉」，等夏天應該會特價吧！

今次我地就去左「東莞帝豪花園酒店」既２款套票：

１. (早/晚自助餐、 桑拿、飲品卷)

2. ( 早自助餐、$200餐飲卷、60分鐘按腳)

共2千幾蚊3日2夜，仲包食啵 ~ 都ｏｋ既！

交通: 因為套票係唔包接送，所以我地就係羅湖搭大朗大巴去啦。
( 我地笨左比人點左上去2樓排隊買飛，其實係唔洗既！

只需上車等人過黎賣飛就得，一人好似４０蚊)

 搭左成2個鐘車，到酒店後好快就上到房啦~

間酒店好靚，張床好大又勁軟！超舒服~

而液晶大電視對正大床，仲有有線電影台！正！係房全日都唔悶！嘿嘿

而Ｒｅｘ就勁滿意個廁廁啦~睇佢個樣幾嘆!!!

廁廁入面除左有大浴缸之外，仲有個企缸既~

d沖涼液各樣都好香~

係房休息左陣，就去自助晚餐啦~

因為佢係分2場既(6點-8點 ; 9點-10點, 好似...)

我地就食8點果場，貪佢小人ｄ麻。

而個自助餐對我黎講就覺得係不過不失啦，款式尚算ok，不過就唔好期望咁大了！

 

但甜品都算唔差既～

 

 

食包包四圍行下，酒店入面真係勁靚，好多人影相。

 

到第２日中午，我地出左去搵食，去左一間「時間西餐廳」。

感覺上仲好味過琴晚果餐，都係2百蚊人仔有找！

(大大個撻都係12蚊咋！好好味)

食包包就返去睇碟啦(租dvd機$100)

一路睇到夜晚就去按腳!!! 好舒服~

(ps: 由於酒店話冇晒卷比我地，叫我地去到講包左就ok，但最後都有ｄ混亂，

所以如果同我地一樣，最好係去前再係酒店櫃面要求佢地打過去再講一聲先。）

 

按完都成10點了，酒店就收工搵，咁就出左去搵啦~

去左一間幾特別既日韓鐵板燒餐廳，不過我地就食拉麵同飯!

但估唔到佢個地獄拉麵好正啵~ 連Rex都勁讚佢既麵底，話幾正宗下喎！

埋單都係$80有找，抵!!!

食完就去吧飲free drink，仲有個靚女姐姐唱英文歌仔，都ＯＫ好聲！

之後佢仲過黎同我地傾左2句TIM^^

好快就第3日了，其實真係好relax!!!

走前去酒店日式餐廳用埋佢果2百蚊卷，d野食ok啦~

不過真係唔平，埋單都仲要比多3百幾蚊~但勝仲有房坐，有電視睇！

推介：皇家咖啡 (白蘭地咖啡) 

除左間房外，ｅ杯啡算係我最回味的了！