快高長大=口="

"肥肉"又出場啦~~
冇錯！我Ｅ個無聊人已將Ｅ盆"多肉植物" 改左名，名叫"肥肉"。
想當日，我係係旺角花墟足足行左半日先選中佢，
再買左個圓形玻璃花盆仔諗住懶靚咁，前後洗左成百蚊！
點知返到去，個花盆竟然唔夠住＝　＝"
最後是但執個食物盒住住先啦你 ~

仲記得買既當時，我問位姐姐佢會唔會大得好快，
個姐姐話一年應該大幾MM左右啦~
點知... 過左半個月都冇，"肥肉"已經亭亭玉立，大過個盆~
我都唔係一個負責任既主人，除左一開始比左ｄ水佢之後可以話冇理過佢。
"肥肉"你果然冇改錯名...

的確，本身我都好想買ｄ彩色雪條棒返黎圍邊整佢靚ｄ既，
可惜佢肥得太快＝　＝"
咁唯一等佢再肥多小小時，再買埋"多肉"、"肉肉"、"肉球"、"豬肉"、"雞肉"......返黎學人地咩"生態環境"咁整得靚靚再算~
"肥肉"~你都係再寂寞多陣啦~嘿嘿