2日1夜* Rex生日泉眼溫泉夜~~~

無錯無錯,
我又係post返2012既野!! 哈哈~~~

2012既10月, 係個傻佬既生日月!!!
第一年同佢過生日啵!!!當然要過得好d啦!!!(的確係我自己想去多d~嘿嘿)
本身係想去御溫泉既, 但咁岩佢既vip房要裝修, 咁就只好留返今年去啦!!!

最後,
又要方便又想快到既關係, 我選左係中山既泉眼温泉!!

9點左右, 就係尖咀上船啦~~~
船程好似都係個半鐘左右~再搭跟船飛既旅遊巴去三鄉。。

勁快就到>w<" 當然係啦啦林去搵野食啦!
之前做過資料搜集, 得知中山既菠蘿包入面真係有菠蘿,
所以就走左去飲茶!!!!
其實佢d特色點心其實好味過hk...個樣仲幾靚tim!!!
我地食左8個點心都係人仔"98"蚊~~~!!!
而最鍾意既當然就係奶黃菠蘿包啦~入面真係有一舊仔菠蘿嫁~哈哈!!!好味~^^

食飽飽後就出發啦~
好搞笑~原來中山三鄉係冇的士嫁~~
所以就要by e d車仔~司機哥哥個個囝囝仲訓著左~~~

   

大約半個鐘就到啦~~
個環境都算係唔錯, d職員個個好夏威夷feel~

果度都幾多人嫁, 如果唔係入面訓, 都可以就咁買飛入去浸既!
但我地點幾去到, 真係要等到2點先入得房囉><"""

終於入到房啦!!!
今次我book既係豪華賞星套房~
一入到當然係沖去個私人溫泉度睇下啦!!!
都真係ok正嫁~又唔洗同其他人浸! 又算ok大(起碼我e d矮人可以成個訓係度...)
夜晚仲可以望到星星tim^^"

而間房都幾大下, 不過因為d燈較黃同暗, 所以冇咩點影!
但張大床亦幾舒服既, 房入面仲有功夫茶tim!(但冇試ar!!!)
 

休息左陣, 當然要出去公共池啦!!!
泉眼入面d地方都算幾特色, 亦有好多大大細細成5x種唔同既池,
eg: 咖啡、酒、西芹、牛奶、防感冒池...不過我地就唔敢浸囉~!

  
木屋區~~~
外觀係唔錯, 但偷睇過e d房真係好細下, 而且因為好似d池, 應該會好嘈 -口-"
而中間亦有個釣魚湖, 不過唔見有人釣囉~

嘩~情侶路啊!!!
事實上係一條行仔...= ="

開始入夜既泉眼~^^

 
燒烤場!!! 其實就係係木屋區果邊,
我地叫左燒生蠔~~都幾好味啵!!! 但都要6蚊一隻-3-

食完後我地就上去搵泉眼最出名既24小時免費自助餐啦~~
係真係好出名嫁!但係係出名難食~哈哈
由於我地算係夜左去, 當然係冇咩選擇啦!
得返D包、魚旦、蛋同埋少少炒飯炒麵, 而且只能叫係微暖!

好彩佢太出名, 所以都無得再失望D!!
食左少少, 我地就買左啤酒同埋杯面返房食算!!!

食完麵, 享受埋私人溫泉後,
見衣櫃有和服仔~~當然要迫d人著黎比我影影相啦~!!!嘿嘿

之後睇陣電視就訓了~
可以係浸完暖笠笠既關係, 我真係訓到死豬咁>口<"

第2日
12點鍾準時退房~~

  
因為離上船仲有大把時間, 我地去左一間CAFE到食野~味道ok既~不過同香港價錢差不多...

 
回港了~~~
一個開心之旅^^

~＊~~~~~~~~~~~~~~~~~~~~~~~~~~~~~~~~~~~~~~~~~~＊~

泉眼PACKAGE: 我係係學聯買既, 大約係2千蚊有找啦~

中山:
中山係冇咩地方好行同好睇,所以係選時間起程同回程係唔需要預留時間去行街~
而我就係因為選左較晏既班次回港,所以係一間咖喱糖品店到逗留左成2個鐘等上船= ="
(PS* 係專食咖喱但又有賣甜品既店, 之前搵料時都以為係咖喱味糖品~嘿嘿)